【 菜單推介】過時過節係屋企煮咩好?3個包成功菜單推介給你
![Festival Menu.png](https://images.squarespace-cdn.com/content/v1/5e762e3d21acd35898d85e9c/1618758480000-18L3E12NS37AT4UBVIWF/Festival+Menu.png)
情人節、復活節、聖誕節、母親節、父親節、生日…咁多節日,如果想俾男朋友、女朋友、屋企人、朋友一些驚喜,係屋企可以煮啲咩呢? 係一家大細? 二人世界? 還是好友聚會? 唔同場合又應該選甚麼菜色?
我們特別將我們所有食譜整理成精緻的菜單,希望俾到啲提議大家啦 😊
二人世界 5 Course Menu
想為你的另一半帶點驚喜? 可以嘗試花多少少時間做一頓豐富的晚餐。就算做得慢了點,另一半都唔會介意等多陣,所以這個菜單挑選了出來的菜式都會多一點功夫,但也不會太難做。當然,如果可以跟你的另一半一起煮,就更加溫馨啦!
- APPETIZER -
意大利黃瓜圈野菜沙律
或
紅菜頭他他
或
芒果帶子Carpaccio
- SOUP -
- SEAFOOD -
白酒煮紐西蘭大青口
(可改用藍青口)
或
香煎帶子伴芒果莎莎
或
煎龍蝦尾配蕃茄龍蝦汁
- MAIN -
煎鴨胸配神石榴汁
或
富良野田園焗黄油春雞
或
慢煮豬鞍配蘋果蜜糖芥末醬
或
烤焗無骨羊膝
或
紅酒燉牛面頰
或
慢煮西冷牛扒
- DESSERT -
意式奶凍配手工紅酒士多啤梨果醬
一家大細 5 Course Menu
如果是一家大細的話,可以選一些顏色較豐富的食材,會令小朋友吃得更開心。肉類方面可選擇較軟的肉類,例如魚肉、雞肉或豬肉,除了讓小朋友易些進食,也避免小朋友吃得過飽而生病。貝類等海產較難消化,應盡量避免。而簡單的菜式,如沙律,可以跟小朋友一起做,令節日更加溫馨。
- BREAD -
- APPETIZER -
- SOUP -
- SEAFOOD -
- MAIN -
香草烤雞釀黑松露雜菌
或
富良野田園焗雞
或
香煎豬鞍配香橙醬
或
黑松露忌廉蟹肉椰菜花飯配溫泉蛋
或
鱈魚柳配手工蕃茄醬意大利麵
- DESSERT -
意式奶凍配手工紅酒士多啤梨果醬
網友回圖
不少網友都參考過我們的食譜,仲整得好靚好成功,歡迎嚟Instagram睇吓佢哋嘅成品!
所有食譜
法式洋蔥湯絕對係一個心機菜,材料雖然簡單,但講求炒洋蔥的技巧,而且一炒就要炒半小時以上,少一點心機都不行!洋蔥湯要好飲,炒洋蔥的技巧非常重要。如果洋蔥炒到黏底,我們可以用少量水將黏底的焦溶解刮出,西餐稱為deglazing,過程非常治癒,也是這道菜成功的關鍵。
這是我很喜歡的菜式,簡單的兩塊豬扒、一個橙、幾粒珍珠洋蔥,搖身一變成為高級餐廳的菜式。酸甜的橙醬汁,令人非常開胃。每次做這道菜,我都會拿出這一隻藍色碟做擺盤。因為藍色跟橙色是對比色,所以一當橙醬汁、橙皮碎放在碟上,就會形成強烈的對比,未吃都已經流口水了🤤
Carpaccio 是指切成薄片、淋上了醬汁的生肉片或魚。今次我選用了北海道的帶子刺身,配以芒果粒,再加上青檸汁做的沙律油,整個菜式做法非常簡單,也很適合大夥人的前菜菜單。為什麼冬天還有芒果賣?不要忘記我們還有南半球的澳洲,現在可是當地盛產芒果的季節哦!據之前公司一位澳洲同事說,R2E2是她覺得最好吃的品種。它肉厚、味道清甜,所以買澳洲芒時我都會特別選R2E2來買。
冬天凍冰冰,一定唔少得羊腩煲。出去食西餐好多時都會食羊架,所以今次就介紹返相對少食但抵食嘅羊膝。羊膝適合用紅酒炆,如果家有焗爐,亦可以考慮用烤焗的方法,做法比炆燉更方便快捷,希望這也可成為大家聖誕餐嘅靈感😊
紅菜頭就食得多,金菜頭平時真係好少見到。今次呢個金菜頭是在街市買的,但店鋪寫它是由澳洲來,所以價錢也不便易。我覺得金菜頭比紅菜頭更好吃,首先它沒有紅菜頭的汁那麼易染色,二來也沒有像紅菜頭的草青味,還有它黃金的顏色很漂亮,令人食慾大增😋
豬梅頭肉平時多數會用來做中式叉燒,不過我今次就搞搞新意思,用佢來以法式嘅經典方法烹調,做個老外叉燒。這個技巧的精髓就是用蔬菜跟肉一起烤焗,然後將蔬菜的水份及肉汁製作香濃的醬汁,所有精華全程一直濃縮到最後,細嚐一口醬汁,好味到有種莫名其妙的感動😭 今次豬肉的熟度控制得很好,切開時也是粉紅嫩嫩的,豬肉吃下去嫩滑又juicy,而且黑毛豬肉味很濃,聖誕節給客人吃一點也不失禮哦😌
聖誕節就嚟到啦,食聖誕餐又點少得一隻靚雞呢~ 今次介紹呢個焗雞一點也不簡單,事關我特別在雞身內釀入了黑松露炒雜菇。當切開雞身時,黑松露及雜菌的香味撲鼻而來,令不平凡的焗雞再多添一份驚喜😋
聖誕節就嚟到,嚟緊會開始俾大家一些聖誕餐的提議,記得留意!話說今日想煮埋冰格舊鴨胸,行開超市時,見到隻神石榴賣$29蚊,唔算貴,自己又未煮過,於是就試吓將呢兩樣食材夾埋來用,效果出奇地好,顏色又靚👍🏻用剩嘅神石榴汁及籽仲可以整多兩味,名副其實嘅神石榴三味!
又到了蜜柑的季節,今次就用它來配紅菜頭做一個超級簡單的沙律菜式。選用紅菜頭,除了因為顏色配搭漂亮,還有取其有益的食療功效。紅菜頭能有效降低膽固醇,還有護肝、抗衰老等等功效,因此我常常把它放進我的食譜內。
這個菜式其實之前已經介紹過,不過兩個人食飯,一隻大雞又飽咗dd😅前排係超級市場見到有急凍法國黄油春雞賣,$60左右。雖然係急凍,但肉質非常嫩滑多汁,用我這個方法煮,簡單又好味,不妨一試!
以前到紐西蘭旅行,每次到超級市場都會買下新鮮的青口回民宿煮。他們的青口又大又新鮮,喜歡那一隻就自己夾,每次都夾到一大袋才捨得走。其實紐西蘭青口在香港街市也很常見,新鮮的,大概$40就有一斤,非常經濟。用白酒煮青口也是最簡單不過的方法,十多分鐘就可以搞掂,留下來的汁用來跟香脆法包一起吃,滋味無比😋
蘇格蘭的帶子出名鮮甜大隻,在香港嘅街市唔易買到。早前試吃了 @hkgoodfish 的蘇格蘭扇貝王,帶子原粒起肉後便立即入盒,保持鮮度。今次呢盒有8隻帶子,隻隻都大大粒非常靚。今次我就用它配上芒果莎莎醬,酸酸甜甜,做一個非常醒神開胃的前菜。
又到咗浸梅酒的季節~ 前幾年浸落嘅梅酒都還未飲完,冇位再擺新浸嘅梅酒,所以又要諗諗計點樣用梅酒入饌。今次介紹呢個涼拌菜超級簡單,但也很特別,可以作為平時的小吃,或者配搭其他食材變成不平凡的開胃前菜。
這個南瓜湯是我以前常常做的菜式,在外面餐廳嚐到的南瓜湯,通常都是水汪汪又淡而無味,自己做的話,要多濃都可以。我比較喜歡用日本南瓜做湯,貪它口感較黏,味道也較為甘甜,做出來的湯都會較為杰身。你當然也可以用奶油南瓜,它的肉質更加幼滑,只是價錢較貴而已,不妨比較試試。
上星期生日,去咗c字頭超市買咗包好靚嘅澳洲藍青口,等到今日終於有時間煮。當我仲諗緊點煮嘅時候,咁啱屋企有好多東南亞風味嘅食材,咁啱仲有枝新鮮嘅椰子水,咁多咁啱,咁就整個東南亞風味嘅藍青口啦
話說有次去北海道旅行,係富良野一間民宿食過呢一道菜,材料很簡單只有雞同蔬菜,但係一試就沒齒難忘!雞肉非常嫩滑,蔬菜清甜,最精彩就是煲內的雞精,送飯一流!可是試了好幾次,還是做不到民宿老闆的風味😛 但我仍盡努力分享食譜吧!最後一張相是民宿網站的相片,沒有上火的關係,在家中做不到焦面的效果。
紅酒燉牛面頰是我的拿手菜!牛面頰肉肉中間更夾著一層層的骨膠原,入口即溶,簡直就係吃肉的享受。如果買唔到牛面肉,其實炆牛尾都係同一個方法,第一次煮都很易成功。