農曆新年常常會吃到煎堆、角仔、笑口棗這些賀年食品，但大多數也是油炸，吃多了很容易喉嚨痛。今次我嘗試將角仔的做法改變一下，只用焗爐，不用油炸，角仔皮像伯爵茶曲奇般鬆脆，也用了朱古力榛子醬做餡料，吃多幾件也不覺得油膩，相信大人細路都一樣鍾意！今個農曆新年不如試試跟家人一起做來試試！

法式紅酒燴啤梨是我最喜歡的甜品，做法簡單又非常好食。尤其是有朋友上來吃，前一日整定就可以。而啤梨浸上紅酒一晚後，顏色更深，味道更香濃，個個吃過都讚不絕口！這次我也特別轉用了黑糖取代砂糖，味道也多一份層次，幾特別的！

農曆新年好快就到啦！係時候早啲學定整蘿蔔糕俾屋企人食！蘿蔔糕始終係自家製最真材實料，而每個細節位都可以按自己喜好調整，研發出大家的私房食譜。

早排去食西班牙菜，前菜是慢煮八爪魚腳，一口咬落去腍到不得之了！ 細問之下原來八爪魚腳是經過慢煮的。這個西班牙Tapas前菜非常易做，配上薯仔及煙紅甜椒粉 (Smoked Paprika)，味道非常可口。有慢煮棒的不妨試試哦！

聖誕節又怎可以沒有烤雞吃！今次想介紹大家做這個非常有聖誕氣氛的香橙蔓越莓烤雞。蔓越莓及香橙是常常用在一起的配搭，烤完雞餘下的肉汁，充滿了香橙及蔓越莓的氣味，酸酸甜甜非常開胃，吃多一件都不覺得肥膩。今個聖誕不如試試佢！

這個食譜上年聖誕節都介紹過，今年又整多次試試～ 這個法式做法的精髓就是用蔬菜跟肉一起烤焗，然後將蔬菜的水份及肉汁製作香濃的醬汁，所有精華全程一直濃縮到最後，細嚐一口醬汁，好味到有種莫名其妙的感動😭

最近換咗部新嘅 Electrolux 蒸焗爐，終於有時間試試佢。今次整咗香草焗鵪鶉，鵪鶉細細隻，兩個人食就剛剛好。我不喜歡用很多醃料醃肉，所以只是用了橄欖油、百里香及鹽，就已經很夠味了，最緊要是加配菜在底，烤焗時吸收鵪鶉的肉汁，非常好吃！

每年11月至1月是柚子當造的季節，而高知縣就是全日本🇯🇵最大的柚子產地，這裏出產的柚子香氣濃郁，味道清爽。

多年前曾經到日本旅行玩Glamping，營中參加了煙燻體驗，才知道原來日本人玩煙燻都可以玩得那樣高級！返香港後，即刻買返個同款嘅煙燻箱，仲有很多不同風味的木屑，比BBQ以外再多一個好玩選擇。最近天氣很好，很適合露營，大家會否心動都想一試呢 😊

冬天常常都想吃點暖笠笠的食譜，日式的炊飯就是很好的選擇了。炊飯做法很簡單，只需要將所需材料加入鑄鐵鍋中，就可以一鍋到底輕鬆完成！今次我選用了近期當造的栗子，再配以各式各樣的日本野菌，製作了這個【栗子野菌炊飯】，希望大家會喜歡啦！

踏入11月，天氣開始變得清涼了，除咗食火鍋之外，我哋最鐘意就係喺屋企整粥底海鮮蒸氣鍋了。自己買海鮮總比出街食便宜得多，而且做法又簡單，食完海鮮仲有美味粥底，十分過癮。有朋友嚟開Party，絕對不會失禮～

家有一部廚師機，真係會令人多咗衝動整多啲嘢食。最近我們都開始售賣意大利Smeg嘅小型家電，即刻自己都手入返一部廚師機試試佢。而隨機付送的第一個食譜就係手製意大利麵，二話不說即刻買材料整！

萬聖節🎃過咗兩日，唔知大家屋企仲有冇南瓜剩低呢？今次想介紹大家整個pasta，同時也會用到【鼠尾草】呢款香草。鼠尾草有很特別的味道，很多時都會配搭南瓜一起吃，上碟時再撒上烤過的南瓜籽或合桃，非常好吃又健康～

一直都很想在家做一次天婦羅，今次真的認真起來學習一下。幸好找到了【MASAの料理ABC】的詳盡教學，一步一步跟著來做也不算很難，以第一次來說感覺都不錯哦！當然日本天婦羅是非常博大精深的學問，在麵糊製作、油溫控制、以及油的選用等等都大有竅門，希望有空會再可以慢慢深究下去！

智利擁有長長的海岸線，水產資源非常豐富。早前我收到了智利食品的食材盒，除了有我最喜歡的藍青口及三文魚之外，還有智利出產的 Sauvignon Blanc白酒、Pisco皮斯可酒、牛油果等等！

早前在賣外國蔬菜的小店看到了這個皺葉椰菜，即刻買咗一個回家。皺葉椰菜英文為 Savoy Cabbage，又或者叫野甘藍、皺葉甘藍。皺葉椰菜的葉片佈滿皺紋，很容易分辨，它的質地較硬、味甘苦，水分較少因此不適宜生吃。甘藍這類蔬菜通常烤焗過後都比較可口，所以今次我就用它來做一個烤焗的版本，希望大家會喜歡！

明太子是醃製過的鱈魚子，它香醇的鹹香，跟很多食物都非常相襯，好似明太子蛋卷、明太子法包、明太子釀雞翼等等。今次就讓我來用明太子做一個忌廉意粉，配以日本的白洋蔥及椎茸，味道非常特別，而且做法簡單，15分鐘包可完成！不如今晚就即刻整啦！

最近工作比較忙，少了點時間煮飯，所以就做一點快吃到的菜式，而咖喱就是很好的選擇。今次我做的是無水咖喱鍋，用的都是來自日本的蔬菜，以鑄鐵鍋無水烹煮後，蔬菜的水份完全濃縮起來，鮮味無比！再配上日式咖喱，由頭到尾一鍋過，簡簡單單就完成了一道美味的菜式啦！

這個食譜有點像我之前介紹的法式田園焗雞，不過今次這個食譜更簡單，所需的時間也更少！如果你家中有個小小的鑄鐵鍋，但又不夠放一隻全雞，就可以試試做呢個菜啦！而這個菜的精髓其實就是無水鍋，水份全都是由食材本身流出來，除了雞肉及蔬菜焗得很腍外，鍋中的湯汁又可以送飯，真係超級好食的！

又到星期一啦，今日想介紹下Green Monday食咩好～ 上星期買咗包素肉碎，屋企又剩咗D自家製番茄醬，咁就不如簡單整個素番茄肉醬意粉啦！