羽衣甘藍貴為superfoods之一，是健康飲食嘅首選食材，見到我們的Logo有片甘藍葉就知它有多重要！很多時候，羽衣甘藍都是會來做沙律入饌，但其煮過了的甘藍味道更香更濃。今次我用咗 @susteniragriculture 嘅卷葉羽衣甘藍整咗呢道「蒜香甘藍貝殼粉」，雖然這是一道素菜，但配料上用了松子仁、合桃，跟甘藍的甘甜的味道互相輝影，車厘茄除了顏色靚，它的酸度也平衡了整道菜色，令人更加開胃。

法式白酒燉雞 Fricassée de Poulet（英文Chicken Fricassee）是一個非常傳統的法式家常晚餐，做法也非常簡單，做好了的雞肉非常嫩滑，醬汁有奶油香濃的味道，剛剛又被白酒微微的酸味中和了，就算吃多一點也不覺得肥膩。這道菜也非常百搭，可以配飯、闊條麵、蘸點麵包、還是配薯蓉薯角，都一樣好吃。

釀大啡菇是很吸引的菜式，除了可以釀肉碎、煙肉、三文魚之類的食材，其實都可以做一個純素的版本。今次我用了素餐肉代替了煙肉，也用了純素Diary Free的車打芝士。純素芝士成份不含乳製品，從包裝上看，成份包括了蕃薯粉、椰油、菜油、豌豆蛋白等等，味道鹹鹹，有一般芝士的口感及味道。不過今次是第一次用素芝士，發覺它不像一般芝士會遇熱變溶，所以成品還是見到一片片的芝士，也幾特別的。

早前到餐廳吃飯，其中一道菜就是用西芹做汁配魚肉吃，味道非常清新。其實西芹除了可以炒之外，也可以用來打西湯用。今次我特別以西芹為主角，做一個清新特別的濃湯。做出來的湯，除了有淡淡西芹的香氣，亦非常健康。

Caprese是意大利餐廳經典的前菜，經典之處在於它的主要材料包含了意大利國旗的三種顏色 - 綠、白、紅 🇮🇹。傳統嘅Caprese會用到切片嘅Mozzarella水牛芝士及番茄，一片疊一片的交疊在碟上，然後放上羅勒、橄欖油、黑醋、鹽及黑胡椒碎。不過咁啱我買唔到傳統嘅Mozzarella芝士，反而買到有餡嘅Burrata芝士，而番茄就得前日整嘅油封車厘茄，所以今次呢個Caprese算係一個少少創新嘅版本😊

最近在試用日本品牌Vermicular琺瑯鑄鐵平底鍋，有隻咁靚嘅平底鍋，當然要配返咁上吓嘅食材啦，所以用嚟試煎帶子就最適合不過了。煎帶子首先要平底鍋燒得夠熱，試用其間，Vermicular的平底鍋加熱真的很快，熱力也足夠將帶子煎得金黃香脆，而且沒有黏底，效果非常滿意！

黃色🟡代表熱鬧 、開心，給人熱情與活力的感覺，單單是看到黃色的食物已開始令人流晒口水！鮮豔的黃色🟡不僅能吸引食慾，也會令人不自覺越吃越多。今次我就用意大利黃瓜做了一道Zoodles蔬菜麵，配以醬油帶子及柚子醋汁，非常醒神開胃！如果之前新年時食滯咗，或者係食緊生酮餐單嘅你，不妨試下做呢個菜呀😊

這是我親手種的蕃茄，要吃原味道的話，用來做沙律就最好不過了。今次配埋Burrata芝士一齊食，它外層是軟軟的Mozzarella，入面是流心的忌廉及芝士，奶味香濃，再配以黑醋沙律油，是一個非常醒胃的前菜。

聖誕節過後，通常都會有些剩餘的食材。其實只要好好利用它們，都可以變成美味的一餐。今次我將餘下的雞湯、火雞胸、甘筍、洋蔥、西芹、百里香及月桂葉，做了這個連湯也不用熬製的雞湯。簡簡單單，又係一餐😊 其實除了雞肉，你也可以用羊肉。還記得幾年前到冰島旅行，常常都喝羊肉湯，味道也很不錯的。呀～ 不如搵日介紹吓冰島羊肉湯都好喎！

紅菜頭就食得多，金菜頭平時真係好少見到。今次呢個金菜頭是在街市買的，但店鋪寫它是由澳洲來，所以價錢也不便易。我覺得金菜頭比紅菜頭更好吃，首先它沒有紅菜頭的汁那麼易染色，二來也沒有像紅菜頭的草青味，還有它黃金的顏色很漂亮，令人食慾大增😋

冬至將到，想煮個好餸俾屋企人食，但係乾鮑咁貴，食唔起又唔識揀，所以唯有食返鮮鮑魚啦。炆嘅話可以選用大隻d嘅南非孔雀鮑魚，肉厚之餘鮑魚味也濃。今天在街市買左6隻鮑魚，約1斤多些，加埋鵝掌同其他材料，大概$300幾蚊可以做到呢個菜啦。用埋刀叉食，即刻高級晒😊

豬梅頭肉平時多數會用來做中式叉燒，不過我今次就搞搞新意思，用佢來以法式嘅經典方法烹調，做個老外叉燒。這個技巧的精髓就是用蔬菜跟肉一起烤焗，然後將蔬菜的水份及肉汁製作香濃的醬汁，所有精華全程一直濃縮到最後，細嚐一口醬汁，好味到有種莫名其妙的感動😭 今次豬肉的熟度控制得很好，切開時也是粉紅嫩嫩的，豬肉吃下去嫩滑又juicy，而且黑毛豬肉味很濃，聖誕節給客人吃一點也不失禮哦😌

聖誕節就嚟到啦，食聖誕餐又點少得一隻靚雞呢～ 今次介紹呢個焗雞一點也不簡單，事關我特別在雞身內釀入了黑松露炒雜菇。當切開雞身時，黑松露及雜菌的香味撲鼻而來，令不平凡的焗雞再多添一份驚喜😋

豆腐營養豐富，好處多多，想keep fit的話，豆腐是非常好的食材。豆腐低醣，有豐富的蛋白質，可增加飽肚感，而且有助降低壞膽固醇及促進腸道蠕動等等的功效。今次介紹這個沙律非常清新，再配以其他顏色鮮艷的蔬菜，keep fit都可以吃得很開心😋

又到了蜜柑的季節，今次就用它來配紅菜頭做一個超級簡單的沙律菜式。選用紅菜頭，除了因為顏色配搭漂亮，還有取其有益的食療功效。紅菜頭能有效降低膽固醇，還有護肝、抗衰老等等功效，因此我常常把它放進我的食譜內。

近期西班牙柿當造，它味道爽甜、多汁，比其他品種的柿更好吃。我很喜歡用它做沙律，主要是因為它的橫切面有一個「米」字形的圖案，非常特別，用來款客就最好不過了。

早排係超市$12買左包豆苗，前後收割左兩次，見佢個包裝介紹做豚肉火鍋，咁咪整嚟試吓囉😬 計埋豚肉、雞髀菇同金菇，都唔使$100有找了～

這個菜式其實之前已經介紹過，不過兩個人食飯，一隻大雞又飽咗dd😅前排係超級市場見到有急凍法國黄油春雞賣，$60左右。雖然係急凍，但肉質非常嫩滑多汁，用我這個方法煮，簡單又好味，不妨一試！

蘭王蛋是可以安心生吃的雞蛋，今次就用來配炒雜菇，只要簡單炒香蘑菇，加入蘭王生雞蛋可以了。愈是簡單的煮法，就愈能夠吃到食材本身的鮮味呢！

我很少會在超級市場買沙律油，怕很快會吃厭。其實做沙律油都很簡單，只要油底跟酸汁或醋的比例為2:1或3:1就可，然後可以選擇加入蜜糖、香草、蒜、芥末等材料提味就可以。今天在街市買到青金橘(不是泰國青檸哦)，所以就試吓用來做沙律油了😋