紅酒燉牛肉是很經典的法國菜，做法簡單，是練習炆燉的好菜式，第一次做都能夠成功的！今次這個是簡化版的食譜，相信大家都會容易follow的😊

近排天寒地凍，梗係要食返D熱野暖暖身啦！今次特登買咗個蒸籠返嚟，炮製咗呢個籠仔蒸龍躉荷葉飯，淨係睇到個蒸籠都暖咗一半了~ 唔好以為龍躉肉好貴，好似我今次用呢舊龍躉肉，其實$100有找了，平過出街食多多聲！

平時到餐廳吃植物肉，多數是用它來做素漢堡扒或素肉丸，食法較為西式。今次我嘗試創新一下，以香港地道的方法，炮製了這個窩蛋未來牛肉煲仔飯。由於未來牛肉本身已有調味，因此我只加入馬蹄碎及蔥花做成素牛肉餅，同時也放了含有豐富營養價值的杞子，來增添甜味及顏色，效果出奇地好！所以肯花點心思的話，食素都可以享用暖笠笠嘅煲仔飯☺️

鑄鐵鍋用途非常廣泛，除了在家炆煮肉類，到了郊外它就變成你的烤焗爐。這個snow peak鑄鐵鍋是我最愛的收藏，可煎扒可烤焗，體積細小，方便攜帶，最難得是它還可以煎出有坑紋的扒。今次這個食譜充分利用了它這兩個功能，做出來的豬扒多汁嫩滑，配菜也烤焗到非常香口。就算在家的話，都一樣可以這樣做😊

這是我很喜歡的菜式，簡單的兩塊豬扒、一個橙、幾粒珍珠洋蔥，搖身一變成為高級餐廳的菜式。酸甜的橙醬汁，令人非常開胃。每次做這道菜，我都會拿出這一隻藍色碟做擺盤。因為藍色跟橙色是對比色，所以一當橙醬汁、橙皮碎放在碟上，就會形成強烈的對比，未吃都已經流口水了🤤

冬天凍冰冰，一定唔少得羊腩煲。出去食西餐好多時都會食羊架，所以今次就介紹返相對少食但抵食嘅羊膝。羊膝適合用紅酒炆，如果家有焗爐，亦可以考慮用烤焗的方法，做法比炆燉更方便快捷，希望這也可成為大家聖誕餐嘅靈感😊

豬梅頭肉平時多數會用來做中式叉燒，不過我今次就搞搞新意思，用佢來以法式嘅經典方法烹調，做個老外叉燒。這個技巧的精髓就是用蔬菜跟肉一起烤焗，然後將蔬菜的水份及肉汁製作香濃的醬汁，所有精華全程一直濃縮到最後，細嚐一口醬汁，好味到有種莫名其妙的感動😭 今次豬肉的熟度控制得很好，切開時也是粉紅嫩嫩的，豬肉吃下去嫩滑又juicy，而且黑毛豬肉味很濃，聖誕節給客人吃一點也不失禮哦😌

聖誕節就嚟到啦，食聖誕餐又點少得一隻靚雞呢～ 今次介紹呢個焗雞一點也不簡單，事關我特別在雞身內釀入了黑松露炒雜菇。當切開雞身時，黑松露及雜菌的香味撲鼻而來，令不平凡的焗雞再多添一份驚喜😋

聖誕節就嚟到，嚟緊會開始俾大家一些聖誕餐的提議，記得留意！話說今日想煮埋冰格舊鴨胸，行開超市時，見到隻神石榴賣$29蚊，唔算貴，自己又未煮過，於是就試吓將呢兩樣食材夾埋來用，效果出奇地好，顏色又靚👍🏻用剩嘅神石榴汁及籽仲可以整多兩味，名副其實嘅神石榴三味！

早排係超市$12買左包豆苗，前後收割左兩次，見佢個包裝介紹做豚肉火鍋，咁咪整嚟試吓囉😬 計埋豚肉、雞髀菇同金菇，都唔使$100有找了～

這個菜式其實之前已經介紹過，不過兩個人食飯，一隻大雞又飽咗dd😅前排係超級市場見到有急凍法國黄油春雞賣，$60左右。雖然係急凍，但肉質非常嫩滑多汁，用我這個方法煮，簡單又好味，不妨一試！

今次介紹嘅香草焗羊架非常簡單，無論係屋企定郊外都可以輕鬆做到。如果係戶外做的話，記住帶埋個鑄鐵鍋(dutch oven)去呀！如果咁啱有朋友燒嘢食，係個煲蓋上放幾舊炭，就會做到焗爐嘅上下火效果啦👍🏻By the way，outdoor kitchen真係好好玩🤗

放假對自己好一點，於是買兩隻龍蝦返去嘆下😊之前吃龍蝦都是蒸、上湯、或焗的做法，煎卻是較少的做法。今次就一於試試煎的，較果也非常不錯👍🏻

最近生酮飲食法非常流行，用椰菜花取代米飯是其中一個常用的方法。這個食譜跟西班牙燉飯有點相似，不過它不需使用雞湯，煮的時間也更少，今晚不如試吓煮吧！

放工回家煮飯，想省時間快快有得吃的話，其實日式丼飯是個很好的選擇。今次介紹的醬汁豬腩肉丼飯很易做，甜甜的醬汁也非常開胃，不妨試試！

意大利飯煮法非常多樣，今次就來玩玩墨汁，做個黑蚊蚊嘅墨汁意大利飯！

上星期有朋友到訪，特別用上了三隻波士頓龍蝦，做了這個非常浮誇的西班牙海鮮飯，浮誇到完全唔係我平時走開嘅風格 🤔 不過好食就得了 😄

今餐食的澳洲豬梅頭扒非常抵食，兩塊大大塊才$49，仲要唔係急凍嘅貨，就咁煎已經好淋～ 醬汁方面就用食剩嘅食材，再配烤焗過的羽衣甘藍。烤過的甘藍有如紫菜般薄脆，非常惹味煎豬扒沒有甚麼特別技巧了，讓我介紹如何做這個蘑菇黑醋汁吧！

橙汁鴨胸是經典的法國菜，做法不複雜，關鍵是鴨胸的生熟度要控制得好。今次初次嘗試，味道不錯，只是鴨胸熟了點，肉的顏色不夠粉嫩，下次再做應該會好一些

近排要健身，要多點吸收一下蛋白質，雞胸肉當然是首選的蛋白質來源。煎雞胸其實係幾好味，超市$40有兩件亦都抵食。只係煎件靚雞胸都要成兩個字先搞掂，於是我就開始研究點樣有效率地準備雞胸肉。咁啱上年聖誕買咗部慢煮機，咁不如試吓慢煮啦。煮好咗再入真空袋，應該可以雪成個星期哦。而且今次慢煮都好成功，雞肉嫩滑，拍得住我煎雞胸的效果