籠仔蒸龍躉荷葉飯
近排天寒地凍，梗係要食返D熱野暖暖身啦！今次特登買咗個蒸籠返嚟，炮製咗呢個籠仔蒸龍躉荷葉飯，淨係睇到個蒸籠都暖咗一半了~ 唔好以為龍躉肉好貴，好似我今次用呢舊龍躉肉，其實$100有找了，平過出街食多多聲！
材料
龍躉肉 - 1塊
荷葉 - 1片
冬菇 - 1-2隻
紅棗 - 3粒
蒜頭 - 4粒
蔥花 - 適量
白飯 - 2碗
蛋 - 1隻
醃料
萬字常鮮減鹽丸大豆生醬油 - 1茶匙
蠔油 - 2茶匙
糖 - 1茶匙
生粉 - 1茶匙
薑絲 - 少許
胡椒粉 - 少許
調味
萬字常鮮減鹽丸大豆生醬油 - 適量
材料準備
1. 前一晚將冬菇浸泡，紅棗浸軟10分鐘，去核，跟冬菇一同切片備用。
2. 將龍躉肉洗淨，印乾水份，然後切件。將所有醃料倒入拌勻，並加入冬菇及紅棗，醃魚肉約30分鐘。
3. 燒一大鍋熱水，將荷葉汆水數分鐘至軟身，取出瀝乾備用。
4. 蒜頭去皮剁成蒜蓉，分成兩半。
烹調步驟
1. 準備金銀蒜﹕先將一半的蒜蓉用細火炸至金黃色，炸好後撈起 ，拌入另一半的生蒜，備用。
2. 準備黃金炒飯﹕先將蛋拌入白飯拌勻，讓每一粒飯都沾到蛋液成金黃色。燒熱鑊，下油，倒入飯後先煎一分鐘。然後將飯反轉再煎一分鐘，最後將飯炒鬆，用醬油簡單調味，備用。
3. 將荷葉鋪在蒸籠上，先後鋪上炒飯、龍躉肉、冬菇、紅棗及金銀蒜，再包裹好荷葉。隔水蒸12分鐘左右至魚肉熟透。
4. 吃的時候，撒上蔥花，並淋上少許醬油調味，即成！
貼士
- 用龍躉腩更滑更肥美。
- 沒時間準備炸蒜的話，可以直接買現成的。
- 如果荷葉摺得太厚，會影響蒸的時間，建議可剪去一部分的荷葉減少厚度。
- 想炒飯更好味，歡迎加入自己喜愛的配料。
- 今次用咗萬字嘅減鹽丸大豆生醬油，它比傳統醬油少25%鹽份，唔太鹹但豆味濃郁，完全能夠帶出龍躉肉的鮮味。
