記得以前到沖繩旅行，晚上在國際通逛街逛到累，就到居酒屋吃宵夜。除了沖繩炒苦瓜是必點的菜，另一道就一定是沖繩炆豬手了！他們做的豬手做得非常之腍，腍到骨與骨中間的筋都完全溶化。吃下去的時候，只需要啜著來吃就可以，完全不用牙咬，骨膠原都要把嘴巴完全黏住！吃過一次後，好味到每晚都要吃一次才算任務完成的樣子。

潮汕生醃蠔近期真係非常熱爆嘅食法，我最後都忍唔住引誘整咗一次食，食完真係返唔到轉頭，因為個汁同日本生蠔真係非常夾！好食到停唔到口！不過我第一次整時，唔夠材料做正宗潮汕版本，只好就地取材。好似醋就轉用柚子醋、生抽就轉用日式醬油，差在糖未轉用味醂取代咁樣。不過嘅然蠔都係來自日本，轉用日本材料都可以呀～

我們每年都有浸梅酒的習慣，可是浸了很多年，都用差唔多嘅方法浸。好飲是好飲，但市面上有這麼多款不同的梅酒買，即係浸梅酒都可以有很多變化？就本住我哋求知嘅心，呢個月我哋都買咗唔少梅酒試飲，也開始找資料研究一下浸梅酒的方法及技巧。希望呢個文章，對初初浸梅酒嘅你，或者浸咗一排梅酒嘅你，會有一番啟發吧！

早前介紹過的紅酒燉牛面頰，大家都喜歡到不得了。其實以同一方法，燉牛尾都一樣咁好味！牛尾相對平一點，也更容易購買，只要燉的時間足夠，是可以做到又腍又滑又離骨的牛尾啊～

今次介紹的無水野菜鍋，不是甚麼高難度、貴食材的菜色，但是經過鑄鐵鍋無水焗煮，野蔬的養份凝縮，比平時吃的蔬菜更加鮮甜美味！焗煮過的洋蔥變成焦啡色，甜味完全釋放；蓮藕仍然保持爽脆，甘筍吸收了所有精華，甜得有點誇張！

早排長假期特別多，吃得太豐富了，所以近排也食返清一點調理身子。牛油果常常是首選的健康食材，除了飽肚之外，也有助減少血液中的壞膽固醇，是非常好的superfood！今次想介紹大家用牛油果製作成青醬，做好的醬，適合拌意粉、搽麵包、拌沙律等都可以，如果平時淨食牛油果食得多，都可以轉一轉口味呀！

前天在機緣巧合下認識了一位網店的客人，原來他對食材是非常有要求的人，他寄了些食材給我，一隻牛茄、一隻黑茄、還有兩件 Filet Mignon 菲力牛扒🤤 有好食材，當然就要吃食材的原味，所以我只用最少的調味伴番茄吃。剛巧家中還有早前做好了的黑醋珍珠，一片番茄伴3-4粒黑醋珍珠，已很足夠！絕對不用擔心太多黑醋搶了番茄的味！賣相當然也更吸引！

南瓜湯其實是很容易做的西餐湯，但是要做好飲的南瓜湯，其實也有不少竅門，而最重要的，其實是南瓜的品種。在街市我們通常會買到長長的中國南瓜，味道較淡，水份也多，做出來的南瓜湯會較稀，也沒那麼的甜

手撕雞一直都是我的最愛，在街上看到都常常買回家吃。可是，外面的手撕雞店多數只有一種味，就是鹹！有時姐姐還會非常重手，搞到非常之鹹！如果我開手撕雞店的話，一定會多很多醬汁俾大家揀！今次介紹大家試試用檸檬做醬汁，材料一點也不複雜，酸酸甜甜非常開胃的哦！

鰻魚炒飯是一道非常方便的家常菜，只要有點冷飯，買條鰻魚，再隨意在雪櫃中找點配菜，就可以輕鬆完成，大家快來試試看吧！

三文魚的做法其實很多，除了平時常常做的煎三文魚，以及我們曾經介紹過的【法式紙包焗三文魚】外，今次來一個更方便快捷的檸檬香草焗三文魚。只需要將醬汁調好，淋在魚身，直接進焗爐就可以輕鬆完成。如果其他做法已經做到悶了，不妨又試下呢一個方法吧！

小牛胸腺是我第一次接觸的食材，是由開凍肉店的友人推介我嘗試的。小牛胸腺英文叫「Sweatbread」，是3-6個月大的小牛才有的腺體，算是器官之一，當小牛漸漸長大，這個腺體就會慢慢萎縮。由於罕有，所以份外矜貴，是法國菜的頂級食材之一。

近期很多餐廳都有烤牛骨髓這一道菜，價錢可不便宜，但其實在凍肉店買，$100元左右都會買到。其實牛骨髓吃下時味道不會很濃，所以用比較香口的做法會比較合適。今次介紹大家以法式的做法去烤這條牛骨髓，加入了牛油及香草的麵包糠，香口之餘仲脆卜卜，大家要不要在家試一下呢？

上一次介紹了大家做【椰菜花蘑菇意大利飯】，其實椰菜花還有另一個形態可以做，就是椰菜花扒 - Cauliflower Steak啦！只要椰菜花使用得宜，好好切出中間最厚的位置，其餘部份刨成椰菜花飯，很簡單就可以做出兩道可口又健康的菜式！

相信有留意開生酮飲食嘅朋友都有吃過椰菜花飯，不過準備椰菜花飯嘅時候都幾多功夫，仲好易搞到成地都係椰菜花碎。

白酒煮蜆其實是很簡單的菜式，它的做法其實跟著名的意大利菜【白酒蜆肉扁意粉 Linguine alle Vongole】沒大分別，只是少了意大利麵，但用來作一個簡單的前菜，配上法包，一杯白酒或氣泡酒，整頓晚餐可變得更加豐富了！

最近大家都要留家抗疫，一定多了在家煮飯，所以都想介紹多些家常菜俾大家。蒸水蛋相信很多朋友都有做過，但如果在蛋中加入花甲的話，大家又試過未？今個食譜教會介紹蒸滑蛋的方法，就算沒有花甲，也可以用其他材料取代呀！

今年情人節冇得出街慶祝，咁不如為您嘅另一半炮製一餐燭光晚餐！今次我哋就想介紹大家點樣整龍蝦湯。龍蝦湯的精髓在於以龍蝦殼炒製熬湯，經過多重工序，味道濃縮再濃縮，鮮甜無比，充分表現您嘅耐性同心機！如果能夠煮到好菜式，每年情人節屋企過都ok啦！

上次介紹咗大家整蘿蔔糕，咁梗係要介紹埋蘿蔔糕嘅好朋友 - XO醬啦～ 自家製嘅 XO嘅，可按個人喜好隨意調較，例如我喜歡有咬口，所以金華火腿會切粗絲，也會加埋大蝦乾，所以除咗食瑤柱外，仲會食到其他材料，味道更加甘香呀～

這一道富貴雞，是我做過最好吃的中式焗雞。雞腔用了多款菇菌及臘味填滿，再以荷葉及帶有酒香的麵團包裹焗製。以這種方法焗雞，雞的精華得以牢牢鎖住，雞肉嫩滑無比，混合菇菌的鮮味及荷香，美味得難以形容。新年過節時不妨試試做，就是跟家人一起敲碎外殼的時候，已經夠晒開心！