相對於蜆，我更喜歡花甲，事關花甲比較肉厚，肉也更加鮮甜。記得以前買過條「脷」紅色的花甲王，牠簡直是花甲界中的極品，可是很久都找不到牠的蹤影了。做這道清酒煮花甲，完全不用調味，吃的就是花甲本身的鮮味，而且做法非常簡單，天氣冷的時間，將暖的清酒湯一起喝下去，頓時暖入心頭😌

每逢11到12月，就是吃香箱蟹的季節。香箱蟹其實是雌性的松葉蟹，體形跟手掌般大。她的吸引之處是她甘香的蟹籽及蟹膏，吃法多數是把蟹肉、蟹膏和蟹子都放在蟹蓋上，像個小盒子，因而得名。今次是我第一次做香箱蟹，由於蟹身細小，花了不少時間及心機將蟹肉一一取出。同時我也將蟹醋做成啫喱，用來中和蟹膏肥膩的感覺之餘，也令整個作品閃閃生輝，垂涎欲滴😋

豆腐營養豐富，好處多多，想keep fit的話，豆腐是非常好的食材。豆腐低醣，有豐富的蛋白質，可增加飽肚感，而且有助降低壞膽固醇及促進腸道蠕動等等的功效。今次介紹這個沙律非常清新，再配以其他顏色鮮艷的蔬菜，keep fit都可以吃得很開心😋

早排係超市$12買左包豆苗，前後收割左兩次，見佢個包裝介紹做豚肉火鍋，咁咪整嚟試吓囉😬 計埋豚肉、雞髀菇同金菇，都唔使$100有找了～

這個菜式其實之前已經介紹過，不過兩個人食飯，一隻大雞又飽咗dd😅前排係超級市場見到有急凍法國黄油春雞賣，$60左右。雖然係急凍，但肉質非常嫩滑多汁，用我這個方法煮，簡單又好味，不妨一試！

放工回家煮飯，想省時間快快有得吃的話，其實日式丼飯是個很好的選擇。今次介紹的醬汁豬腩肉丼飯很易做，甜甜的醬汁也非常開胃，不妨試試！

夏日炎炎，用苦瓜做菜有消暑清熱的功效，喜歡吃苦瓜的人，就是喜歡它的甘苦味。要好好品嘗我們親手種的苦瓜，最好的方法就是用最簡單的烹調。沖繩苦瓜比一般街市買到的苦瓜較爽脆，用來做沙律就最適合不過了。

又到咗浸梅酒的季節～ 前幾年浸落嘅梅酒都還未飲完，冇位再擺新浸嘅梅酒，所以又要諗諗計點樣用梅酒入饌。今次介紹呢個涼拌菜超級簡單，但也很特別，可以作為平時的小吃，或者配搭其他食材變成不平凡的開胃前菜。

每次去Donki都會買支焗蕃薯返屋企食，貪佢又綿又甜，甜到我成日以為打咗d蜜糖入去。跟住偷偷去睇佢d蕃薯箱，發現係用「紅春香」呢個品種的蕃薯，因為它有焦糖的味道，所以又叫做「焦糖地瓜」。