【食材介紹】又香又甜的Donki蕃薯，如何在家可以焗得到？

食材介紹

Apr 26

Written By Afterwork Kitchen

每次去Donki都會買支焗蕃薯返屋企食，貪佢又綿又甜，甜到我成日以為打咗d蜜糖入去。但是除了買它們的現烤蕃薯之外，在家又可以怎樣焗到又香又甜的蕃薯？蕃薯又應該怎樣揀才對？這篇文章會幫到你。

選對蕃薯品種

首先你要選對蕃薯的品種，日本蕃薯品種繁多，但唔係日本來的蕃薯就一定好食。我們也曾經試過好多品種，一係就唔甜，一係就好乾，口感極差，唯獨是「紅春香」的品種會最好吃。

不能不知的「紅春香」

「紅春香」蕃薯是鳥取的特產，紅皮黃肉，糖味濃郁，口感軟綿綿。因為甜香又濃滑，凍熱食皆宜。除了鳥取，日本都有幾個地方都有種植「紅春香」，好多時喺日式超級市場都會買到，通常包裝都會寫住「紅はるか」又或者係「べにはるか」（Beniharuka）。「紅春香」蕃薯通常頭尾都會有d黑色乾左既汁液，類似燒乾左嘅糖咁，睇到都覺得甜甜的，所以大家喺見到嘅話不妨可以買黎試試！

明星級的「紅春香」

有些生產商會為自家生產既「紅春香」改個好靚嘅名，仲會註冊商標。他們更會將「紅春香」蕃薯會進行「養護」和「熟成」去提升甜度，好似喺茨城「Potato貝塚」生產嘅「紅春香」叫做「紅天使」，佢地會將蕃薯儲存喺約13℃的倉庫內大概3個月，長時間熟成，令「紅春香」變得愈來愈甜！

而Donki嘅蕃薯係來自鹿兒島嘅Japapo，佢地出產嘅「紅春香」喺霧島山脈種植，個名就叫做「紅霧島」。Donki嘅出口位除左有現烤蕃薯賣，亦都會有未熟嘅「紅春香」蕃薯賣，通常一包包膠袋裝嘅會比較幼小，不過間中亦會有一盒盒嘅出售，size也會比較粗大，見到嘅話就買啦！不過要留意，不是盒盒都是「紅霧島」嘅品種，口感及甜度都比不上，所以要睇清楚包裝才好買呀。